Երեկ կայացած ընտրությունների արդյունքների վերաբերյալ այսօր մամուլիա սոլիս է հրավիրել ԵԱՀԿ դիտորդների խմբի ղեկավար Թոնի Լոյդը: Նա ասել է, որ «Այս ընտրությունները չեն կարողացել ապահովել այդ երկրի համար նոր սկիզբ, որի կարիքն այն ունի: Բելառուսի ժողովուրդ արժանի է ավելիին: Ձայների հաշվարկին չհերիքեց թափանցիկություն»» ասել է նա:
Նա նաև ասել է, որ վերջնական գնահատականը դիտորդների առաքելությունը կտա` հաշվի առնելով անցած օրվա ընթացքում ընդդիմության ակցիաները ցրելու հանգամանքը:
«Ձերբակալությունները և հանրահավաքի ցրելը ֆոն կհանդիսանան` ընտրությունների գնահատականը տալու համար»,- ասել է Լոյդը: Այս մասին հաղորդում է «Էխո-Մոսկվի» ռադիոկայանը:
Այսօր կոշտ հայտարարությամբ է հանդես եկել Լեհաստանի նախագահ Բրոնիսլավ Կոմորովսկին` մեկնաբանելով Բելառուսում անցած ընտրությունները: Նա քննադատել է իշխանությունների կողմից բիրտ ուժի կիրառումն ընդդիմության դեմ և կարծում է, որ ԵՄ-ն պետք է վերանայի իր հարաբերությունները Մինսկի հետ: «Միայն այն փաստը, որ ընդդիմության առաջնորդին գիտակցությունը կորցնելու աստիճանի ծեծում են, պետք է լուրջ անհանգստության և դատապարտման առիթ տա»,- լեհական ԶԼՄ-ներին ասել է Կոմորովսկին:
Այսօր հայտարարությամբ հանդես է եկել նաև Բելառուսի նախագահ Ալեքսանդր Լուկաշենկոն, ով խոստացել է, որ անկարգություններ հրահրող բոլոր ընդդիմադիր մասնակիցները բանտում են հայտնվելու: «Բանտում են նստելու օրենքով: Ես բանտ չեմ նստեցնում, ես միայն մեկ իրավունք ունեմ` ներում շնորհել»,- ասել է Լուկաշենկոն:
Նա նաև խոստացել է հրապարակել փաստաթղթեր, որով կապացուցվի ընդդիմության առաջնորդների կապը Արևմուտքի հետ. «Ես կարգադրել եմ, որպեսզի հրապարակվեն այդ փաստաթղթերը, որպեսզի ժողովուրդը տեսնի թե՛ մեր արևմտյան գործընկերներին և՛ թե մեր ընդդիմությանը»,- ասել Լուկաշենկոն` ավելացնելով, որ խոսքն այնպիսի փաստաթղթերի մասին է, որոնք պետք է լինեն պահոցում` «գաղտնի» նիշի տակ: Այդ փաստաթղթերն, ըստ Բելառուսի նախագահի, շուտով կլինեն մամուլում և համացանցում:
