ԱՄՆ Հայ դատի հանձնախումբը ողջունում է ԱՄՆ Ներկայացուցիչների պալատի կողմից թիվ 306 բանաձևի ընդունումը, որը կոչ է անում Թուրքիային հետ վերադարձնել հայերից գողացված և բռնագրավված քրիստոնեական եկեղեցիները, ինչպես նաև դադարեցնել ճնշումները քրիստոնյա համայնքների անդամների վրա, որոնք մի ժամանակ մեծամասնություն են կազմել ներկայիս Թուրքիայի Հանրապետությունում:
Այս մասին «Արմենպրես»-ին տեղեկացրել են ԱՄՆ Հայ դատի հանձնախմբից, ԱՄՆ Ներկայացուցիչների պալատի կողմից ընդունված թիվ 306 բանաձեւը ներառում է 4 հիմնարար կետեր` պահանջելով դադարեցնել բոլոր տեսակի կրոնական խտրականությունները, թույլ տալ քրիստոնյաներին զբաղվել հիվանդանոցների, եկեղեցիների, աղոթատեղիների և այլ սրբավայրերի վերականգնողական աշխատանքներով, թույլ տալ եկեղեցիներին իրականացնել կրոնական ծեսեր, մատուցել կրթական, սոցիալական ծառայություններ, առանց սահամանափակումների:
Չորրորդ կետով բանաձևը պարտադրում է վերադարձնել քրիստոնեակական եկեղեցիները, կրոնական կրթական շինությունները, դպրոցները, հուշարձանները, սրբավայրերը և այլ աղոթատեղիներ, ինչպես նաև շարժական գույքը (ձեռքի աշխատանքներ, ձեռագրեր ևն):
