Լիբիան երեքշաբթի օրը հայտնել է, որ վերապահումներ ունի Իտալիայի հետ 2008 թվականին կնքած համագործակցության մասին պայմանագրի որոշ կետերի վերաբերյալ: Հիշեցնենք, որ պայմանագիրը ստորագրվել է Լիբիայի նախկին բռնապետ Մուամար Քադաֆիի և Իտալիայի նախկին վարչապետ Սիլվիո Բեռլուսկոնիի կողմից:
AFP-ն գրում է, որ Լիբիայի արտաքին գործերի նախարարի տեղակալ Մուհամեդ Աբդել Ազիզն ասել է. «Լիբիան վերապահումներ ունի պայմանագրի որոշ կետերի վերաբերյալ, որոնք պետք է վերանայվեն երկու երկրների կողմից»:
Աբդել Ազիզը նաև հայտնել է, որ իշխող Ազգային անցումային խորհրդի նախագահ Մուսթաֆա Աբդել Ջալիլը հինգշաբթի օրը կմեկնի Հռոմ` Իտալիայի իշխանությունների հետ պայմանագիրը քննարկելու համար:
