Ամերիկյան ավիափոխադրող Southwest Airlines-ը պայմանավորվել է 150 հատ Boeing 737 MAX ինքնաթիռի գնման մասին` դառնալով նոր մոդելի առաջին պատվիրատուն: Ինքնաթիռների առաքումը տեղի կունենա 2017 թ.: Այս մասին հաղորդում է lenta.ru կայքը:
Գործարքի գինը չի հաղորդվում, սակայն ենթադրվում է, որ այն կարող է հասնել մոտ 11,5 միլիարդ դոլարի:
Բացի դրանից, ընկերությունը 58 հատ Boeing 737NG ինքնաթիռ կվերափոխի: Ընդհանուր առմամբ` Boeing-ի ավիափոխադրիչների պատվերը հասել է 350 ինքնաթիռի: Ըստ ավիաընկերության ղեկավար Գարի Կելիի` գնումները հիմնավորվում են վառելիքի տնտեսմամբ և շրջակա միջավայրի պաշտպանությամբ:
Boeing 737 MAX ինքնաթիռի շարժիչներն ապահովում են վառելքի 10 տոկոս տնտեսում՝ ի տարբերություն ներկա պահին օգտագործվող մոդելների: Նրանց օգտագործումը կնպաստի, որպեսզի ընկերությունը 7 տոկոսով նվազեցնի ծախսերը:
