Iran News-ի փոխանցմամբ՝ Իրանի արտգործնախարար Ալի Աքբար Սալեհին լրագրողների հետ զրույցում հայտարարել է, որ ՄԱԿ-ին նամակ գրելուց բացի, Իրանը մտադիր է ԱՄՆ-ի կողմից իր օդային սահմանի խախտման հարցը բարձրացնել նաև Իսլամական համագործակցության կազմակերպության և Չմիավորման շարժման նստաշրջաններում.
«Ըստ էության, ԱՄՆ-ն ագրեսիայի ակտ է ձեռնարկել Իրանի դեմ։ Իրանը միջազգային կոնվենցիաների շրջանակներում օգտվելու է բոլոր օրինական միջոցներից՝ այդ միջադեպը հետաքննելու համար։ Ամերիկացիների մտադրությունը մեզ համար լիովին հասկանալի է։ Նրանք երբեք չեն ցանկացել մեր ժողովրդի բարին։ Դրա համար էլ Իրանն իրեն իրավունք է վերապահում միջազգային դատարանի միջոցով հասնել փոխհատուցման»։