Գիտնականները պարզել են, որ այն կանայք, ովքեր ծխում են, ենթակա են մաշկի քաղցկեղով հիվանդանալու ավելի մեծ վտանգի:
Ծխող կանանց նման հիվանդությունն ավելի է սպառնում, քան տղամարդկանց: Այն կանայք, ովքեր ծխել են 20 կամ ավելի տարի, մաշկի քաղցկեղով հիվանդանալու կրկնակի վտանգի են ենթակա:
Գիտնականների խումբն ուսումնասիրել է ծխելու և մաշկի քաղցկեղի կապը: 698 մասնակիցներին հարցրել են ծխելու իրենց սովորությունների մասին՝ արդյոք քանի տարի են ծխում, օրական քանի գլանակ, և երբ են դադարել ծխել, եթե այդպիսիք եղել են:
Հետազոտության արդյունքները ցույց են տվել, որ հիվանդանալու վտանգը մեծանում է՝ պայմանավորված օրական ամեն ավել գլանակով և ծխելու տարիների ընդհանուր թվով:
Mail Online-ը գրում է, որ ԱՄՆ Ֆլորիդա նահանգի Տամպայի Մոֆիտ քաղցկեղի կենտրոնի փորձագետ, հետազոտության գլխավոր հեղինակ Դանա Ռոլիսոնն ասում է, որ անհրաժեշտ են հետագա հետազոտություններ` պարզելու համար, թե ինչ կապ կա սեռային տարբերությունների և մաշկի քաղցկեղով հիվանդանալու միջև:
