ԱՄՆ նախագահի թեկնածու հանրապետական Նյութ Գինրիչը պաղեստինցիներին անվանել է «հորիված ժողովուրդ»: Ինչպես հաղորդում է Associated Press-ը, Գինրիչի խոսքերով, մարդիկ, ում ընդունված է անվանել պաղեստինցի, իրենցից ներկայացնում են արաբներ, որոնք պարզապես չեն ցանկանում ապրել Մերձավորարևելյան տարածաշրջանի այլ հատվածում: ԱՄՆ Կոնգրեսի նախկին խոսնակն այսպիսի կարծիք է հայտնել իսրայելական հեռուստաալիքներից մեկին տված հարցազրույցում:
Գինրիչն ընդգծել է, որ Պաղեստինը երբեք չի եղել առանձին պետություն, այլ եղել է Օսմանյան կայսրության մի մասը:
Նրա կարծիքով, ԱՄՆ նախագահ Բարաք Օբամայի փորձը՝ նույն կերպ վերաբերվել պաղեստինցիներին և իսրայելցիներին, ոչ այլ ինչ է, քան «ծառայություն ահաբեկիչներին»:
Իսկ Իսրայելի և Պաղեստինի միջև հաշտության փորձերը Գինրիչը բնորոշել է որպես «զառանցանք»:
Վերջին շրջանում փորձագետները նշում են, որ ամերիկյան հրեաները, որոնք հիմնականում աջակցում էին դեմոկրատներին, նույն կերպ տրամադրված չեն Բարաք Օբամայի նկատմամբ: Վերջինիս վարկանիշը, իր նախորդների համեմատությամբ, շատ ցածր է Իսրայելում:
Փորձագետները կարծում են, որ Գինրիչն այդպիսի հայտարարությամբ փորձել է շահել ամերիկյան հրեաների վստահությունը, որոնք կազմում են Ֆլորիդայի բնակչության մեկ ութերորդ մասը: Այդ նահանգի բանկչության քվեարկությունից է մեծապես կախված ԱՄՆ նախագահական ընտրությունների քվեարկության արդյունքները:
Վերջին հարցումների համաձայն՝ Գինրիչն առաջին տեղում է հանրապետականների թեկնածուների մեջ: