Ինչպես հաղորդում է gazeta.ru կայքը, ЭКООМ վերլուծական կենտրոնի կողմից անցկացված exit-polls հարցումների արդյունքում տեղի ժամանակով ժամը 13:00-ին (Երևանի ժամանակով ժամը 14:00) գործող նախագահ Ալեքսանդր Լուկաշենկոն հավաքում է 72,03% ձայն: Նրան հետևում է «Եվրոպական Բելառուս» շարժման ղեկավաչ Անդրեյ Սաննիկովը` 6.33%:
Մյուս 8 թեկնածուներից և ոչ մեկը չի հաղթահարել 5 տոկոսանոց շեմը:
Հարցումներն իրականացվել են մոտ 100 տեղամասերում: Հարցմանը մասնակցել են 4,431 մարդ:
Նույն ժամի դրությամբ ընտրությունները Բելառուսում համարվել էին կայացած, քանի որ ընտրություններին մասնակցել էր ընտրողների ավելի քան 50%-ը:
Մասնագետների մի մասն էլ խորհուրդ է տալիս չշտապել, քանի որ այն վախի մթնոլորտը, որ կա երկրում, թույլ չի տալիս, որպեսզի տեղամասերից դուրս գալիս ընտրողներն ազատ հայտնեն իրենց կատարած ընտրության մասին:
Հայտնի է նաև, որ 6 ընդդիմադիր թեկնածուներ իրենց կողմնակիցներին կոչ են արել հավաքվել Մինսկի «Օկտյաբրսկայա» հրապարակում: Սակայն Բելառուսի իշխանություներն այդ հրապարակն ամբողջությամբ վերածել են սառցադաշտի և զգուշացրել են քաղաքացիներին չարտոնված հանրահավաքներին մասնակցելու անթույլատրելիության և վտանգավորության մասին:
