Չինաստանի հարավարևմտյան Գուանս-Չժուան ինքնավար շրջանում գտնվող դեղաբույսերի բուսաբանական այգին պաշտոնապես գրանցվել է Գինեսի ռեկորդների գրքում որպես աշխարհի ամենամեծ բուսաբանական այգի:
Ինչպես հայտնում է Xinhua գործակալությունը, վկայակոչելով ռեկորդակիր այգու պաշտոնական ներկայացուցչին, ավելի քան 200 հա մակերես ունեցող այգում կան տարբեր դեղաբույսերի մոտ 6000 տեսակներ, որոնցից 100-ը ոչնչացման եզրին են, ինչպես նաև 30 բույսեր, որոնք արդեն ոչնչացել են:
Նրա խոսքերով, այգու ղեկավարությունը մտադիր է մոտ ժամանակներս այն դարձնել դեղաբույսերի պահպանման միջազգային կենտրոն, որտեղ հիմնվելու է նաև չինական ավանդական բժշկության կենտրոն:
Բուսաբանական այգին հիմնվել է 1959 թվականին`դեղաբույսերի պահպանման, ուսումնասիրության և նոր տեսակների հայտնաբերման նպատակով: