РИА Новости-ի փոխանցմամբ՝ պաշտոնական այցով Մոսկվայում գտնվող Իսրայելի արտգործնախարար Ավիգդոր Լիբերմանը լրագրողների հետ զրույցում անդրադարձել է թուրք-իսրայելական հարաբերությունների կարգավորմանը.
«Իսրայելը Թուրքիայի հետ վեճ չունի՝ թեև չի ողջունում այդ երկրի քաղաքականությունը։ Մենք ցնծության մեջ չենք Թուրքիայի նոր (իսլամական) կուրսից։ Մենք չենք պատրաստվում և չենք էլ կարող ազդել Թուրքիայի արտաքին քաղաքականության ուղղվածության վրա։ Իսրայելը վեճի մեջ չէ Թուրքիայի հետ»։
Հիշեցնենք, որ ներկայումս թուրքական կողմը հարաբերությունների կարգավորման համար Իսրայելից պահանջում է ներողություն խնդրել նախորդ տարվա մայիսի 31-ին գրանցված «Ազատության նավատորմի» միջադեպի կապակցությամբ, փոխհատուցում վճարել դրա արդյունքում սպանված իր 9 քաղաքացիների հարազատներին (նաև վիրավորներին) և վերացնել Գազայի հատվածի շրջափակումը։
Ի դեպ, Լիբերմանը հանդիսանում է Թուրքիայից Իսրայելի ներողություն խնդրելու կատաղի հակառակորդ։
