Հարի Փոթերի մասին պատմող երեք ֆիլմերի ռեժիսոր Քրիս Կոլամբուսը պատրաստվում է էկրանավորել Էնն Ռայսի «Քրիստոս. Վերադարձ Եգիպտոսից» գիրքը՝ Հիսուս Քրիստոսի կյանքի և ժամանակաշրջանի մասին:
Ինչպես հաղորդում է Variety պարբերականը, Կոլամբուսի 1492 Pictures ստուդիանչ և CJ entertainment-ը իրավունք են ստացել էկրանավորել Ռայսի վեպը յոթամյա Հիսուսի մասին, որը Եգիպտոսից ընտանիքի հետ փախչում է Նազարեթ և ճշմարտությունն իմանում իր ծնունդի և կյանքի նպատակի մասին:
«Ֆիլմը կարող է դառնալ կինեմատոգրաֆիական դասական ֆիլմ՝ ամբողջ աշխարհում բոլոր տարիքի մարդկանց համար: Ես հպարտ եմ լինել անհավանական այդ գործի մի մասնիկը»,- մեջբերում է պարբերականը Կոլումբուսի խոսքերը:
Հիսուս Քրիստոսի մասին ֆիլմեր նկարել են կինեմատոգրաֆիայի ողջ պատմության ընթացքում: Աստվածաշնչի ամենահայտնի էկրանավորումներից են Ֆրանկո Ձեֆֆիրելլիի «Հիսուս Նազովրացի», Մել Գիբսոնի «Հիսուսի չարչարանքները» և Նորման Ջուսիոնի «Հիսուս Քրիստոս՝ սուպերաստղ» ֆիլմերը: Դարրեն Արանոֆսկին այս պահին աշխատում է «Նոյյան տապան» ֆիլմի վրա:
