Հայաստանի առաջնության գործող չեմպիոն «Ուլիս»-ի գլխավոր մարզիչ Սևադա Արզումանյանն ու ակումբի տնօրեն Սլավա Սարգսյանը տվեցին 2011 թվականի ամփոփիչ մամուլի ասուլիս:
– (Սևադա Արզումանյան) 2011 թվականի մրցաշրջանն ամենահաջողը եղավ թիմի համար, քանի որ, ունենալով կարճ կենսագրությունուն, դարձավ Հայաստանի չեմպիոն: 2011 թվականի մրցաշրջանի համար մեր առջև խնդիր էր դրված` նվաճել Հայաստանի գավաթը, եվրագավաթում հաջող ելույթ ունենալ և դառնալ չեմպիոն: Առաջին 2 խնդիրները լուծել չհաջովեց, սակայն հաջողվեց դառնալ չեմպիոն: Թիմը հավաքված էր մեկ գաղափարի շուրջ, կարգապահ էր և տիրում էր լավ մթնելորտ, որն էլ դարձավ հաջողության հիմքը:
Չեմպիոնության հասնելը դժվար է: Շնորհակալ եմ թիմի բոլոր անդամներին: Պետք է հասկանալ, որ չեմպիոնությունից հետո այն պահելը շատ դժվար է լինելու, քանի որ հաջողությունից անհաջողություն մեկ քայլ է: Այդ պատճառվ մեր հետագա աշխատանքների ժամանակ խնդիրը թիմին հոգեբանական լավ մակարդակի հասցնելն է: Հաջողության հիմքերից մեկը թիմի կայունությունն է, իսկ կայունության հիմքերից մեկը Viva Cell-ն է, որն օգնում է թիմի կայացմանը: Հաջողության մեջ մեծ դեր ունի ակումբի ղեկավարության վստահությունը մարզչական շտաբի և թիմի նկատմամբ:
– (Սլավա Սարգսյան) Չեմպիոն դառնալն ավելի հեշտ է, քան այն պահմանելը, իսկ դա անելու համար պետք է ուժեղացնել կազմը:
– Նախորդ մրցաշրջանի հետ համեմատած թիմն ավելի քիչ միավորներ վաստակեց, ավելի քիչ գոլեր խփեց: Արդյո՞ք այս հաղթանակը մյուս թիմերի վատ հանդես գալու արդյունք էր:
– (Սևադա Արզումանյան) Այս մրցաշրջանում պայքարն ավելի լարված էր և, ի տարբերություն նախորդների, առաջին կեսից հետո առաջին և երկրորդ քառյակներ չէին ձևավորվել: Ավելի ցածր տեղերում գտնվող թիմերին հաջողվում էր միավորներ խլել առաջատարներից: Բացառություն էր կազմում միայն «Արարատ»-ը:
– Աշուն-գարուն համակարգին անցնելուց հետո թիմերն անց են կացնելու 21 խաղ: Ձեր կարծիքն այդ կապակցությամբ:
– (Սևադա Արզումանյան) Դրական կարծիքի եմ: Ցանկալի կլինի, որպեսզի չխաղգարեն բնական պայմանները: Պետք է օգուտ ստանալ այդ անցումից: Որոշ թիմերի համար սկզբնական շրջանում այն հաջող կլինի, որոշների համար` ոչ, սակայն պետք է պատրաստ լինել անհաջողություններին:
– Ո՞ր խաղային դիրքերն ունեն ուժեղացման կարիք, և արդյոք կհրավիրվե՞ն նոր լեգեոներներ:
– (Սևադա Արզումանյան) Թիմից կհեռանա դարպասապահ Մալկովը, ով թիմի առաջատարներից էր, և դարպասապահի խնդիր է առաջացել: Գոհ չեմ պաշտպանությունից: Հարձակման գծից նույնպես գոհ չեմ, և պետք է ուժեղացնենք այդ դիրքը:
– Չեմպիոնը մրցաշրջանն ավարտեց ոչ չեմպիոնավայել և սայթաքումներ ունեցավ:
– (Սևադա Արզումանյան) Թիմն անցկացրել էր լարված մրցաշրջան, իսկ երբ ժամանակից շուտ դարձավ չեմպիոն, թուլացրեց տեմպը, քանի որ տղաները հոգնաց էին թե´ ֆիզիկապես, թե´ հոգեպես: Առաջ եկան մի շարք վնասվածքներ, որոնց մասին լարված մրցաշրջանի ընթացքում ֆուտբոլիսները մոռացել էին:
– Կողմնորոշվե՞լ եք առաջիկա ծրագրերում:
– (Սևադա Արզումանյան) Մինչև դեկտեմբերի 15-ը թիմն արձակուրդում կլինի, որից հետո կվերսկսվեն մարզումները: Լեգեոներները թիմին կմիանան Նոր տարուց հետո: Նախատեսված է 3 ուսումնամարզական հավաք` 1-ը` Հայաստանում, 2-ը` արտասահմանում:
– Ու՞մ ծառայություններից եք հրաժարվելու:
– (Սևադա Արզումանյան) Կան ֆուտբոլիստներ, որոնք մեր թիմից կհեռանան: Դա կապված կլինի նաև ձեռքբերումներից: Կարծում եմ, որ թիմում պետք է լինեն 22-25 ֆուտբոլիստներ, որպեսզի լինի մրցակցություն:
– Թիմում կա՞ն երիտասարդացման հեռանկարներ:
– (Սևադա Արզումանյան) Ցանկացած թիմի երազանքը տեղացի ֆուտբոլիստներից բաղկացած կազմ ունենալն է: Մենք ձեռք ենք բերել Շենգավիթի դպրոցը և վերանորոգումից հետո այն պետք է դառնա լավագույն դպրոցներից մեկը, որից էլ մեր թիմը «կսնվի»:
– Ե՞րբ կավարտվի Շենգավիթի դպրոցի շինարարությունը:
– (Սլավա Սարգսյան) Ժամանակ և միջոցներ են անհրաժեշտ: Ամեն ինչ կախված է ֆինանսներից:
