Այսօր Ազգային ժողովում կառվարության հետ հարց ու պատասխանի ժամանակ պատգամավոր Վիկտոր Դալլաքյանի հարցին, թե աղքատությունը Հայաստանում շատ ավելի բարձր է պաշտոնական թվերից, ավելի շատ է տարածված թոշակառուների հաշմանդամների շրջանում, թոշակը պարենային զաբյուղի 49%-ն է կազմում, ինչպիսի՞ քայլեր է իրականացնելու կառավարությունն՝ աղքատության խնդրները լուծելու ուղղությամբ:
Էկոնոմիկայի նախարար Տիգրան Դավթյանը պատասխանեց, թե կառավարության ընդունած Աղքատության կրճատման ռազմավարությունը հաջողությամբ իրականացվել է, դրանից հետո դրվել է կայուն զարգացման խնդիր, բայց 2008-ից հետո իրադարձություններն իրենց ազդեցությունն ուենցան թե՛ տնտեսության, թե՛ աղքատության նվազեցման դինամիկայի վրա:
«Տեղի ունեցավ կենսամակարդակի որոշակի անկում, աղքատության ավելացում, բայց դա պայմանավորված էր գլոբալ տնտեսությունով»,- հայտարարեց Տ.Դավթյանը`հավելելով, որ եթե կառավարության ձեռնարկած գործողությունները չիրականացվեին, ավելի շատ աղքատություն կգրանցվեր: Նա հավաստեց, որ արդեն իրավիճակը փոխվում է, տնտեսության 5% աճ է կանխատեսվում այս տարի, ինչը հնարավորություն կտա պայքարել նաև աղքատության դեմ:
«ՄԱԿ տվյալներով ՀՀ-ում 800 ընտանիքներից 400 հզ-ը կացարաններ չունեն և նրանց 40% բնակվում է նկուղներում և այլն: Աղքատները վախենում են մեռնել: Նրանց հակացուցված է մեռնել, որ հարազատներին բեռ չդառնան»,- հակադարձեց Վ.Դալլաքյանը:
