Ոստիկանության մամլո ծառայությունից «Առաջին լրատվական»-ին տեղեկացնում են, որ «Արմենիա» հեռուստաընկերությամբ հեռարձակվող «Ո՞ւր է իմ տղամարդը» և «Կարգին սերիալ»-ի դերասանուհի Անժելա Սարգսյանի սիրեկանի՝ Կարեն Արայանի կալանքի ժամկետը Երևանի Կենտրոն-Նորք Մարաշ ընդհանուր իրավասության դատարանը երկու ամսով երկարացրել է։
Հիշեցնենք, որ հոկտեմբերի 5-ին ձերբակալված Կ. Արեյանի նկատմամբ Երևանի Կենտրոն-Նորք Մարաշ ընդհանուր իրավասության դատարանը խափանման միջոց էր ընտրել կալանքը:
Վերջինս մեղադրվում է ՀՀ քրեական օրենսգրքի 144 (Անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը) և 263 (պոռնոգրաֆիկ նյութեր կամ առարկաներ ապօրինի տարածելը) հոդվածների հատկանիշներով: