Reuters գործակալության փոխանցմամբ՝ Իրանի ԱԳՆ-ի ներկայացուցիչ Ռամին Մեհմանպարաստը հայտարարել է, որ իրանական նավթի ներկրման վրա բեռնարգելք դնելու պարագայում «սև ոսկու» գինը կարող է ավելի քան կրկնակի աճել՝ գերազանցելով 250 դոլարի սահմանագիծը (մեկ բարելի համար)։
Նշվում էր, որ դեկտեմբերի 1-ին ԵՄ-ը կարող էր բեռնարգելք դնել իրանական նավթի ներկրման վրա, սակայն դա տեղի չունեցավ։ Ներկայումս ԵՄ-ի սպառած նավթի 18 տոկոսը բաժին է ընկնում իրանական նավթին։ ԵՄ-ը օրական ներմուծում է 450,000 բարել իրանական նավթ։
Հիշեցնենք, որ ավելի վաղ բրիտանական Financial Times պարբերականը գրել էր, թե արդեն 2012 թվականի գարնանը նավթի գինն Իսրայելի ու Իրանի միջև պատերազմի սպառնալիքի պատճառով կարող է գերազանցել 200 դոլարի սահմանագիծը։
