Խորվաթիայում հաղթել է «Կուկարիկու» կոալիցիան՝ Զորան Միլանովիչի ընդդիմադիր Սոցիալ-դեմոկրատական կուսակցության գլխավորությամբ:
Ինչպես հաղորդում է Agence France-Presse-ը՝ վկայակոչելով Խորվաթիայի Կենտրոնական ընտրական հանձնաժողովի տվյալները, «Կուկարիկուն» խորհրդարանում կստանա 76 մանդատ (151-ից), իսկ իշխող «Խորվաթական ժողովրդավարական համագործակցությունը»՝ 47 մանդատ: Վարչապետ Յադրանկի Կոսորն ընդունել է իր պարտությունը, սակայն հայտարարել է, որ իր կուսակցության ցուցաբերած արդյունքը գոհացուցիչ է՝ հաշվի առնելով ընտրություններին ուղեկցող սկանդալները:
Իշխող կուսակցության հեղինակության անկման գլխավոր պատճառներից էին կոռուպցիոն սկանդալները:
Խորվաթիայի ժողովրդավարական համագործակցությունը երկրում իշխում է 1991 թվից Հարավսլավիայից առանձնանալուց ի վեր: 2001-2003 թթ. խորհրդարանում գերակա դիրքեր էր զբաղեցնում ձախակենտրոն կոալիցիան:
