«Մանկական Եվրատեսիլ» քվեարկությունն ավարտվեց: Քվեարկության արդյունքում հաղթող ճանաչվեց Վրաստանը:
Կարեն Դեմիրճյանի անվան մարզահամերգային համալիրում քիչ առաջ ավարտվեց «Մանկական Եվրատեսիլ» երգի մրցույթը, որի արդյունքում հաղթող ճանաչվեց Վրաստանը ներկայացնող խումբը` Candy-ն իր Candy Music երգով:
Երգի երաժշտության հեղինակը հայտնի երգահան Գեորգի Կուխիանիձեն է, խոսքերի հեղինակը` Candy-ն:
Խումբը բաղկացած է 5 աղջիկներկից` Իրինա, Աննա, Մարիամ, Գվանցա, Իռա:
Համերգից անմիջապես հետո հաղթող խումբը հանդիպեց լրագրողների հետ:
Հետաքրքիր է, որ հաղթանակը համընկավ խմբի աղջիկներից մեկի` Իռայի ծննդյան օրվա հետ ու ինչպես հայտնեցին լրագրողների հետ հանդիպմանը, ասուլիսից անմիջապես հետո աղջիկները պետք է գնան նշելու ծննդյան օրը:
Անչափ հուզված Candy խմբի անդամները չէին կարողանում թաքցնել ուրախության արցունքները:
Նշենք, որ խմբի աղջիկներից մեկը` Աննա Խանչալյանը հայուհի է, ով իր խոսքում հայերն ասաց, որ շատ ուրախ է հաղթանակի ու երջանիկ` հայ լինելու համար:
«Ես ուրախ եմ, որ հաղթեցինք Հայաստանում` իմ երկրորդ հայրենիքում»,- հուզված ասաց փոքրիկ երգչուհին:
Ա. Խանչալյանը ծնվել է Թբիլիսիում, նա 15 տարեկան է: 2002-ից մինչ օրս սովորում է Զաքարիա Պալիաչիշվիլիի անվան կոնտրոնական երաժշտական դպորցի ջութակի բշնում և Թբիլիսիի համար 2 երաժշտական դպրոցի դասական վոկալ բաժնում:
