Դոնեցկի «Շախտյոր»-ի և Հայաստանի ազգային հավաքականի կիսապաշտպան Հենրիկ Մխիթարյանն Ուկրաինական մամուլին հարցազրույց տվեց.
-Հենրի՛կ, ինչպե՞ս եք ձեզ զգում առաջին տեղում:
-Մենք նորից վերադարձանք այդտեղ: Առաջին հորիզոնականում գտնվելը միշտ էլ հաճելի է, հատկապես, երբ յուրաքանչյուր խաղում ձգտում ես հաղթել: Լավ է, երբ գործադրածդ ջանքերի համար պարգևատրվում ես:
-«Արսենալ»-ի հետ խաղում առաջին անգամ «Դոնբասս»-ը ջեռուցվեց: Դու զգու՞մ էիր դա:
-Եթե անկեղծ, ապա ոչ: Ես չգիտեի դրա մասին, այդ պատճառով ուշադրություն չէի դարձրել:
-Ի՞նչ կարող ես ասել «Արսենալ»-ի հետ խաղի մասին. ամեն դեպքում թիմը բաց ֆուտբոլ էր ցուցադրում:
-Լավ թիմ է: Սակայն հեռացումից հետո նրանց համար շատ դժվար էր պայքարելը: «Զինագործների»-ին պետք է արժանին մատուցել, քանի որ նույնիսկ 4:0 հաշվի ժամանակ նրանք պայքարում էին և փորձում էին հարձակվողական ֆուտբոլ ցուցադրել: Նրանց հաջողություն եմ մաղթում:
-Երկու անգամ 5:0 հաշվով հաղթանակ տանելուց հետո Կիպրոս մեկնելու եք լա՞վ տրամադրվածությամբ:
-Այո, մեր տրամադրությունը շատ բարձր է:
