Грузия Online կայքի փոխացմամբ՝ Հայաստանը հույս ունի նոր կառուցողական նախագծեր իրականացնելու համար տրասպորտային նոր ուղիներ ունենալ դեպի Վրաստանի նավահանգիստներ:
Այդ մասին Թբլիսիում Վրաստանի նախագահ Միխեիլ Սաակաշվիլու հետ համատեղ ճեպազրույցի ժամանակ հայտարարել է ՀՀ նախագահ Սերժ Սարգսյանը:
«Հյուսիս-հարավ նոր մայրուղու շինարարությունը Երևանը կապելու է Բաթումի հետ, որը նոր զարկ կտա երկու երկրների միջև ապրանքաշրջանառությանը: Վրաստանի տարածքով Հայաստան են տեղափոխվում բեռների 20 տոկոսը, և մեզ համար շատ կարևոր են նոր ճանապարհները, որոնք միացնելու են մեզ Վրաստանի ծովային ուղիների հետ»,- ասել է Սարգսյանը:
Սարգսյանը հույս է հայտնել, որ այդ ճանապարհի շինարարությունը իրականացվելու է մոտ ժամանակներս, ինչը Հայաստանին հնարավություն կտա տնտեսապես ավելի զարգանալ: Նա նաև նշել է, որ Հայաստանը ցանկանում է Վրաստանի հետ համագործակցել էներգետիկայի սինքրոնիզացիայի բնագավառում: