Արցախի Հանրապետության նախագահ Բակո Սահակյանը, ով աշխատանքային այցով գտնվում է Արգենտինայում, նոյեմբերի 28-ին այցելել է հայ և արգենտինական ժողովուրդների բարեկամության խորհրդանիշներից մեկը հանդիսացող Արգենտինայի մայրաքաղաքում գտնվող Արմենիա հրապարակ:
Նույն օրը երկրի ղեկավարն այցելել է Բուենոս Այրես նահանգի Հայաստան ավան և հանդիպել բնակիչների հետ:
Բ. Սահակյանը նշել է, որ Հայաստան ավանը արգենտինահայ համայնքի կարևոր օջախներից մեկն է, որը մեծապես նպաստում է ազգային ինքնության պահպանմանը և ներհամայնքային կապերի ամրապնդմանը:
Հանդիպման ընթացքում Բ. Սահակյանն անդրադարձել է Արցախի կյանքին, Արցախի Հանրապետության ձեռքբերումներին և անելիքներին:
Միջոցառումներին մասնակցել են Արցախի թեմի առաջնորդ Պարգև արքեպիսկոպոս Մարտիրոսյանը, Արգենտինայում, Ուրուգվայում և Չիլիում ՀՀ դեսպան Վլադիմիր Կարմիրշալյանը, ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը, պաշտոնատար այլ անձինք:
