Աշխարհի ամենամեծ սոցիալական ցանցի հեղինակ Մարկ Ցուկերբերգը դարձավ «տարվա մարդ» ըստ Time ամսագրի: Այս մասին քիչ առաջ գրվել է Time-ի Twitter-ի էջում:
Այս որոշումը բացատրվում է նրանով, որ հաջողվել է «միավորել ավելի քանի կես միլիարդ մարդու, ստեղծվել է տեղեկատվության տարածման նոր համակարգ և պարզապես այն բանի համար, որ նա փոխել է մեր կյանքը»: Այս ամսին ասված է խմբագրության բացատրության մեջ:
«Առաջին լրատվականը» երեկ արդեն տեղեկացրել էր, որ WikiLeaks-ի հիմնադիր Ջուլիան Ասանջը հաղթել էր Time ամսագրի ինտերնետ հարցման ընթացքում` «տարվա մարդ» անվանակարգում` առաջ անցնելով երգչուհի Lady Gaga-ից, Apple-ի հանրահայտ ղեկավար Սթիվ Ջոբսից և ԱՄՆ նախագահ Բարաք Օբամայից:
Այս մասին հայտարարվել է կայքում: Ասանջը ստացել է 382.020 ձայն, իսկ հարցմանն ընդհանուր առմամբ մասնակցել է 1.249.425 մարդ:
Սակայն ինչպես նշում են խմբագրությունում, այս ինտերնետ հարցումը ունի խորհրդակցական բնույթ:
Այս մրցանակը բավականին սկանդալային համբավ է ձեռք բերել այն օրվանից, երբ 1979թ. տարվա մարդ մրցանակին արժանացել է Իրանի հոգևոր առաջնորդ Այաթոլա Խոմեյնին:
Հիմա խմբագիրներին այս առումով դժվար որոշում է սպասվում: