Սեպտեմբերին արված հայտարարությունն այն մասին, որ իտալացի գիտնականների հետազոտությունների արդյունքում պարզվել է, թե նեյտրոնների արագությունը գերազանցում է լույսի արագությանը, մեծ զարմանք էր առաջացրել գիտնականների շրջանում: Այդ հետազոտությունը կարող էր ապցուցել, որ նոբելյան մրցանակակիր Ալբերտ Էյնշտեյնը սխալ էր իր հաշվարկներում:
The Christian Science Monitor-ը հաղորդում է, որ այս հետազոտությունը ստուգող առաջին խումբը Հռոմում գտնվող Գռան Սասո լաբորատորիայում արած հետազոտությունների արդյունքում հայտնել է, որ Շվեյցարիայի CERN հետազոտական կենտրոնից իրենց ուղարկված նեյտրոնները շարժվել են լույսի արագությունից 60 միլիվայրկյան ավել արագությամբ:
Մեկ այլ՝ ICARUS կոչվող խումբը, սակայն, ապացուցել է, որ նեյտրոնների էներգիայի հետազոտությունները հակասում են նախկին հետազոտության արդյունքներին։ Նրանք պնդում են, որ նեյտրոնները Շվեյցարիայի կենտրոնից արձակվելուց հետո կորցնում են իրենց էներգիայի մեծ մասը:
Այնուամենայնիվ, այժմ աշխարհի տարբեր ծայրերում արվում են հետազոտություններ, որոնց իրականացման արդյունքում միայն պարզ կդառնա, թե որքան ճշմարիտ է լույսի արագությունից ավելի մեծ արագություն ունեցող մասնիկների տեսությունը:
