Այս տարվա հունիսի 14-ին մետրոպոլիտենի «Գարեգին Նժդեհ» կայարանում ոստիկանի արձակած կրակոցից մահացած Արման Ենգիբարյանի գործի վարույթը կարճած ՀՔԾ քննիչ Գևորգ Գևորգյանն է, փաստորեն, գլխավորելու ոստիկանության ՔԳՎ Երևանի քննչական վարչության բաժինը:
Գործը կարճելիս Գ. Գևորգյանը գտել էր, որ կասկածյալի իրավական կարգավիճակ չունեցող քաղաքացուն սպանելու` ոստիկանի գործողությունը իրավաչափ է եղել, և նույնիսկ նրա հորը չէր ճանաչել՝ որպես տուժողի իրավահաջորդ: ՀՀ ոստիկանապետ Վովա Գասպարյանի նոյեմբերի 17-ի հրամանով Գևորգ Գևորգյանը փոխարինել է իր իրավանախորդ, բաժնի պետ Մուշեղ Բաբայանին:
Հիշեցնենք, որ մինչ պաշտոնափոխությունը Գ. Գևորգյանին էր վստահված ՀԱԿ երիտասարդ ակտիվիստների և Սյունիքի մարզպետ Սուրիկ Խաչատրյանի ու գործարար Սիլվա Համբարձումյանի միջև վերջերս տեղի ունեցած միջադեպի վերաբերյալ քրեական գործերի վարույթը:
