Լրագրող, վերլուծաբան Հարություն Հարությունյանը Ej էլեկտրոնային ամսագրի իր բլոգում գրում է.
Հայտնի պոռնոաստղ Սաշա Գրեյը իրեն փորձել է տարրական դասարանի ուսուցչուհու դերում: Դերասանուհին, ով երկար ժամանակ ընդգրկված է եղել ամենամեծ պահանջարկ ունեցող պոռնո աստղերի ցուցակում, ընթերցանության օրը այցելել է Լոս Անջելեսի մոտ գտնվող Քոփթոն քաղաքի Էմերսոն դպրոց, որտեղ երեխաների համար կարդացել և պատմել է, թե որն է կյանքում լավն ու որն է վատը:
Դժգոհ ծնողներին հանգստացնելու համար դպրոցի տնօրինությունը արդարցել է. «Մեզ շատ հանրահայտ մարդիկ են այցելում և գիրք ընթերցում երեխաների համար»: Գրեյի խոսքերով` կրթություն ստանալը բոլորի իրավունքն է, և ինքն ընդգրկվել է այդ ծրագրում անկախ այն բանից, թե ինչ վերաբերմունք կա իր գործունեության նկատմամբ: Իրոք, ի՞նչ վատ բան կա դրա մեջ, երբ թեկուզ պոռնոաստղը կարող է երեխաներին կապել գրականությանը և նրանք դասից փախչելու փոխարեն հաճույքով մնում են դպրոցում և մասնակցում գրական ընթերցումներին:
Միգուցե այս նորամուծությունն էլ գրավի մեր կրթության ոլորտի պատասխանատուների ուշադրությունը և մոտ ապագայում ասենք` աչ անհայտ Անժելա Սարգսյանին էլ առաջարկեն զբաղվել նման գործունեությամբ: Ես օրինակ կառաջարկեի, որ նա ընթերցաներ ոչ թե տարրական այլ ավարտական դասարաններում: Պատկերացնում եք չէ՞, որքան տնօրեններ կմնային առանց կողմնակի եկամուտի և որքան ծնողներ կտնտեսեին: