Մի սպասեք աշխարհի վերջին 2012 թ. դեկտեմբերին: Ոչինչ տեղի չի ունենա, քանի որ իրենք` մայաները, երբեք չեն կանխատեսել քաղաքակրթության փլուզում: Այս մասին հայտարարել են մայաների մշակույթն ուսումնասիրողները «կլոր սեղան» քննարկման ժամանակ, որը տեղի է ունեցել Մեքսիկայի Պալենկե քաղաքում: Քննարկմանը մասնակցել են 64 մասնագետներ աշխարհի 12 երկրներից:
Ինչպես հաղորդում է ИТАР-ТАСС-ը, գիտնականները կարծում են, որ մայաների օրացույցը ոչ թե ավարտվում է 2012 թ. դեկտեմբերին, այլ «հաշվարկը սկսվում է «զորյից»: Այդ են ապացուցում մայաների աստղագետների ենթադրությունների ցիկլային կրկնությունը, որոնք կարծում էին, որ քաղաքակրթության նոր փուլը սկսվում է ամեն 5125 տարին մեկ:
Մայաների մշակույթով զբաղվող մասնագետները պնդում են, որ մայաները երբեք չեն կանագուշակել «աշխարհի վերջը». դրա մասին ոչ մի վկայություն չկա հին գրառումներում: Ավելին՝ դրանցում նշվում է, որ ժամանակաշրջանը պարզապես վերականգնվում է, ինչը տեղի կունենա 2012 թ. դեկտեմբերի 21-ից:
Հին մայաները մոլորակի վրա կյանքի փուլերը անվանում էին «բակտունա»: Դրանցից վերջինը սկսվել է Քրիստոսի ծննդից առաջ 3144 թ. օգոստոսի 11-ին:
Ընթացիկ 13-րդ «բակտունայի» ավարտից հետո, մայաների կարծիքով, կսկսվի նոր ժամանակաշրջան: Ավելի վաղ տարբեր երկրների գիտնականները նշում էին, որ «մայաների հին գրություններում ոչ մի կանխատեսում չկա աշխարհի վերջի մասին»:
Մայաների օրագիրը այդ հնագույն քաղաքակրթության ամենաառեղծվածային ժառանգություններից մեկն է: Գիտնականները մինչ այժմ չեն կարողանում պարզել դրա առաջացման պատմությունը:
