News Georgia-ի փոխանցմամբ՝ Վրաստանի փոխարտգործնախարար Նինո Կալանդաձեն այսօր տեղի ունեցած ճեպազրույցի ժամանակ, մեկնաբանելով ԱՄՆ նախկին պետքարտուղար Քոնդոլիզա Ռայսի հուշագիրքը, հայտարարել է, որ Վրաստանը շահագրգռված չէր Ռուսաստանի դեմ պատերազմում, որը պլանավորել է Կրեմլը.
«Բոլոր իրավական ու վերլուծական փաստաթղթերում, այդ թվում՝ նաև Ռայսի հուշերում նշված է, որ պատերազմը նախապես պլանավորվել է Կրեմլում։ Վրաստանը որևէ կերպ շահագրգռված չի եղել այդ պատերազմով»։
Հիշեցնենք, որ Ռայսի հուշագրքում նշված է, որ Վրաստանի նախագահ Միխեիլ Սաակաշվիլին 2008 թվականին Ռուսաստանին թույլ է տվել սադրել իրեն և դրանով իսկ օտարանալ ՆԱՏՕ-ից։
Ռայսի հուշագրքում նաև նշված էր, որ պատերազմից ոչ շատ առաջ Վրաստան կատարած իր այցի ժամանակ Ռայսը Սաակաշվիլիին զգուշացրել է, որ պատերազմի սկսման դեպքում ոչ ոք նրան օգնության չի գա, և նա տանուլ կտա այդ պատերազմը։