Վերջին երկու օրերին Կահիրեի Թահրիր հրապարակում զոհերի թիվը հասել է 20-ի: Ինչպես հաղորդում է РИА Новости-ն` վկայակոչելով Եգիպտոսի առողջապահության նախարարությանը, վիրավորների թիվը մոտենում է 2000-ին:
Գերատեսչության տվյալներով` մահվան դեպքերի պատճառը հրազենային վնասվածքներն են և արցունքաբեր գազը:
Այսօր վաղ առավոտից Թահրիրում վերսկսվել են իրավապահ ուժերի և ոստիկանության միջև բախումները: Անվտանգության ուժերը ցուցարարների դեմ ակտիվորեն օգտագործում են արցունքաբեր գազ:
Հիշեցնենք, բախումները սկսվել են նոյեմբերի 19-ին, երբ ոստիկանությունը ռետինե գնդակների և արցունքաբեր գազի օգնությամբ ցրեց Թահրիր հրապարակում հավաքված գործադուլի մասնակիցներին: Ակցիայի մասնակիցները պահանջում էին իշխանություններից արագ կյանքի կոչել խոստացված բարեփոխումները, ինչպես նաև բողոքում էին Բարձրագույն խորհրդի ազդեցության ուժեղացման դեմ: Հաղորդվում է, որ բախումների մասնակիցները վանկարկում են Զինվորական խորհրդի հրաժարականը պահանջող կարգախոսներ:
