Պորտուգալացի մասնագետ Ժոզե Մոուրինյոն Մադրիդի «Ռեալ»-ի գլխավոր մարզչի պաշտոնում հաղթական շարքի անձնական ռեկորդ սահմանեց: Մոուրինյոյի գլխավորությամբ «Արքայական ակումբ»-ն իր անընդմեջ հաղթանակների թիվը հասցրեց 11-ի:
Շարքը սկսվեց սեպտեմբերի 24-ին, երբ «Ռեալ»-ը սեփական հարկի տակ 6:2 հաշվով հաղթանակ տարավ «Ռայո Վալլեկանո»-ի նկատմամբ: Դրանից հետո մադրիդյան ակումբը հաղթեց «Այաքս»-ին (3:0), «Էսպանյոլ»-ին (4:0), «Բետիս»-ին (4:1), «Մալագա»-ին (4:0), երկու անգամ՝ «Լիոն»-ին (4:0 և 2:0), «Վիլյառեալ»-ին (3:0), «Ռեալ Սոսյեդադ»-ին (1:0), «Օսասունա»-ին (7:1) և «Վալենսիա»-ին (3:2):
Մոուրինյոյի նախորդ անձնական ռեկորդային շարքը տեղի էր ունեցել 2002/03 մրցաշրջանում, երբ վերջինս գլխավորում էր «Պորտու»-ն:
