Ամերիկացի հաղորդավարուհի Օփրա Ուինֆրին վերադառնալու է հեռուստաեթեր 2012 թվականի հունվարին՝ «Օփրայի հաջորդ գլուխը» (Oprah’s Next Chapter) նախագծով:
Ինչպես հայտնում է Reuters գործակալությունը, նոր շոուի առաջին երկուժամանոց դրվագները կցուցադրվեն 2012 թվականի հունվարին՝ OWN (Oprah Winfrey Network) կաբելային հեռուստաալիքով:
Նոր շոուում Օփրան մտադիր է հանդիպել մասնակիցների հետ ստուդիայից դուրս: Առաջին մասնակիցը լինելու է Aerosmith խմբի վոկալիստ Սթիվեն Թայլերը: Օփրան Թայլերի հետ խոսելու է նրա` թմրանյութերի կախվածության, կանանց հետ հարաբերությունների, ինչպես նաև այն մասին, որ Թայլերը որոշել է իրեն փորձել American Idol շոուի հաղորդավարի դերում:
Հաղորդման մյուս հյուրերն են լինելու դերասան Շոն Պենը և պրոդյուսեր Ջորջ Լուկասը:
Ուինֆրին համաշխարհային ճանաչում ձեռք բերեց The Oprah Winfrey Show թոք-շոուի շնորհիվ, որը եթեր է հեռարձակվել 25 տարիների ընթացքում: Վերջին հաղորդումը հեռուստադիտողները դիտել են 2011 թվականի մայիսի 25-ին: Այն դիտել է 16.4 միլիոն մարդ: Ծրագիրը փակելուց հետո Ուինֆրին որոշել է կենտրոնանալ իր սեփական OWN հեռուստաալիքի աշխատանքների վրա, որը կհեռարձակվի 2012 թվականի հունվարին:
