Թուրքական Haber Vaktim կայքի փոխանցմամբ՝ պարզվել է, որ նոյեմբերի 11-ի ուշ երեկոյան Մարմարա ծովում «Քարթեփե» զբոսանավը գրաված Քրդստանի աշխատավորական կուսակցության (PKK) անդամ Մենսուր Գյուզելն ունի հայկական արմատներ։ Հիշեցնենք, որ Գյուզելը սպանվել էր թուրք հատուկջոկատայինների կողմից զբոսանավի գրոհի ժամանակ։
Նշվում է, որ Գյուզելի ընտանիքը բնակվում է Դիարբեքիրի նահանգի Քուլփ շրջանի Բահեմդան գյուղում, որի ներկայիս անվանումն Այհան է։ Այս գյուղը 20-րդ դարի սկզբին հայաբնակ է եղել։ Այս մասին վկայում են ինտերնետային աղբյուրները։
Թուրքական կայքն ընդգծում է, որ հայ արվեստագետ Արամ Տիգրանը նույնպես սերում է Այհան գյուղից։ Բացի այդ, Մենսուրի հորեղբոր աղջիկը կրում է հայկական ազգանուն (Ուսթույան), իսկ մյուս հորեղբոր կնոջ հոր անունը Հակոբ է։
