Այն ժամանակ, երբ աշխարհի բնակչությունը հասել էր 7 միլիարդի, Գերմանիայի ներքին գործերի նախարարությունը հայտարել է, որ երկրի բնակչությունը 2060 թվականին կրճատվելու է` հասնելով 10 միլիոնի: Գերմանիայում ժողովրդագրական զարգացումը հանրային քննարկումների կարևորագույն թեմաներից մեկն է դարձել: Համաձայն Դաշնային վիճակագրական բյուրոյի, Գերմանայի բնակչությունն աստիճանաբար նվազում և ծերանում է:
Ինչպես հաղորդում է իտալական L’Occidentale թերթը, ներկայումս Գերմանիայում բնակվում է 81,7 միլիոն մարդ: Հիսուն տարվա ընթացքում այդ թիվը նվազելու է: Չնայած օտարերկրյա քաղաքացիների թիվն ավելանալու է, սակայն նրանց բարձր ծնելիությունն անգամ ի վիճակի չի լինելու ամբողջությամբ լրացնել գերմանացիների ցածր ծնելիությունը:
Հետազոտության արդյունքում նաև պարզվել է, Գերմանիայի բնակչությունը ոչ միայն պակասելու է, այլ նաև ծերանալու: Արդեն 2030 թվականին 64 տարեկանը գերազանցող մարդիկ կազմելու են երկրի ամբողջ բնակչության 29 տոկոսը: 2060 թվականին այդ թիվը հասելու է 34 տոկոսի:
Այս մռայլ պատկերը ազդում է նաև Գերմանիայի աշխատաշուկայի վրա: 2040 թվականին 42 միլիոն մարդ ի վիճակի կլինի աշխատել, իսկ 2060 թվականին միայն 33 միլիոնը:
Իրավիճակը Եվրոպայում ողբերգական է, քանի որ այս տեմպերի դեպքում եվրոպական ավանդական մշակութային և սոցիալական կառույցները կենթարկվեն արմատական փոփոխությունների:
