Արգենտինայում գործարկվել է նոր սոցիալական ցանց ֆերմերների համար` «Սոյաբուք»:
Ինչպես հաղորդում է Reuters գորխակալությունը, ցանցում ընկերների նկարները տեղադրելու փոխարեն կայքի օգտատերերը կներբեռնեն իրենց կովերի և սոյայի դաշտերի նկարները: Իսկ նրանց ընկերները «Ես հավանում եմ» կոճակը կարող են սեղմել ամենավերջին մակնիշի տրակտորի նկարի տակ:
Նոր սոցիալական ցանցի հեղինակը 31-ամյա արգենտինացի իրավաբան Մարիանո Տորուբիանոն է: Գաղափարը նրա մեջ պատահաբար չի ծնվել. Արգենտինան համարվում է գյուղատնտեսական արտադրանքի, այդ թվում՝ սոյայի ամենխոշոր արտադրողը, իսկ արգենտինացիները համարվում են Facebook-ի ամենաակտիվ օգտատերերը:
«Ես շատ զարմացա, երբ մի անգամ տրակտորի վրա տեսա մի ֆերմերի՝ նեթբուքով և iPod մուլտիմեդիա նվագարկիչով»,- պատմում է կայքի հիմնադիրը:
Առայժմ նոր սոցցանցում գրանցված է շուրջ 1000 օգտատեր, սակայն Տորուբիանոն հույս ունի, որ ժամանակի ընթացքում նրանց թիվը կհասնի 10 հազարի:
