Թուրքիայի օդային ռազմական ուժերը հրետակոծել են Իրաքի հյուսիսային հատվածը, որտեղ քրդեր են բնակվում:
Այս մասին հաղորդում է France-Presse գործակալությունը` հղում կատարելով Քրդական աշխատավորական կուսակցության ղեկավարի հայտարարությունից:
Հրետակոծությունը սկսվել է նոյեմբերի 13-ի առավոտյան և շարունակվել մեկ ժամ: Այլ մանրամասներ դեռևս հայտնի չեն:
2011 թվականին Թուրքիան հայտնեց, որ պատրաստվում է հարված հասցնել Իրաքի այն հատվածին, որտեղ բնակվում են քրդերը:
Քուրդ աշխատավորական կուսակցության ու Թուրքիայի միջև պայքարը շարունակվում է 1984 թվականից: Այս կոնֆլիկտի զոհ է դարձել ավելի քան 45 հազար մարդ:
