Ռիո դե Ժանեյրոյի ոստիկանական ստորաբաժանումները ուղղաթիռներով և զրահատանկերով սկսել են մասշտաբային գործողություն իրականացնել Ռոսինյա շրջանում, որը տասնամյակներ շարունակ փաստացի գնտվել է ավազակախմբերի հսկողության տակ: Այս մասին հաղորդում է BBC-ն:
Ոստիկանական ներխուժումը, որն ուղղված է մաֆիայի և թմրավաճառների դեմ, կազմակերպված հանցագործության դեմ պայքարի հերթական փուլն է 2014 թ. ֆուտբոլի աշխարհի առաջնությունից առաջ:
Ռոսինյան Ռիոյի ամենամեծ թաղամասերից մեկն է: Իշխանությունների տվյալների համաձայն՝ այստեղ ապրում է 100 հազար մարդ:
