Իրանական Fars գործակալությունը հայտնում է, որ Իրանը կգրոհի Իսրայելը, եթե վերջինս հարվածի Իսլամական Հանրապետության միջուկային օբյեկտներին:
Գործակալության տեղեկությունների համաձայն՝ Իրանն իր տրամադրության տակ ունի 30 հազարից ավելի սիրիացի և պաղեստինցի մահապարտ ահաբեկիչներ, ովքեր հատուկ պատրաստություն են անցել Իսրայել ներխուժելու համար: Նրանք պատրաստ են Իսրայել ներխուժել հյուսիսային սահմանից և ահաբեկչություններ սկսել ամբողջ երկրով մեկ:
Fars-ի հաղորդմամբ՝ նրանք սիրիական կառավարությունից Իսրայելի տարածք ներխուժելու և ինքնասպանություն գործելու լիազորություն են խնդրել:
Մինչ այդ լիբանանյան Al-Jadeed TV հեռուստաալիքով նման սպառնալիքներով ելույթ է ունեցել այաթոլլահ Խոմենիի հատուկ ներկայացուցիչը Լիբանանում` Մուհամեդ Յազբեկը:
‹‹Եթե Իսրայելը նոր արկածներ է փնտրում Լիբանանում, ապա պատերազմի գերակայությունները ամբողջովին կփոխվեն: Մենք առաջին հերթին կգրոհենք Թել-Ավիվը: Դա կլինի ջախջախիչ պատերազմ››,- ասել է նա:
