«Ժառանգություն» կուսակցության պատգամավոր Անահիտ Բախշյանի համար այնքան էլ կարևոր չէ` ում ՀՀԿ-ն կառաջադրի Ազգային ժողովի նախագահի պաշտոնում: Այս մասին նա ասաց «Առաջին լրատվական»-ի հետ զրույցում:
«Եթե ԱԺ նախագահը «Ժառանգությունից» չի լինելու, ապա մեզ համար միևնույն է` ով կլինի: Մենք, մեկ է, շարունակելու ենք մեր գործելաոճը, մեր գործելակերպի շրջանակներում ենք պահելու մեզ»,- ասաց նա:
Բախշյանը նաև զերծ մնաց նշել` ում խորհրդարանի խոսնակի պաշտոնում կառաջադրի ՀՀԿ-ն` նկատելով, որ դրա մասին նույնիսկ չի էլ մտածել:
Հարցին` ինչո՞ւ իր կարծիքով իշխող կուսակցությունը չի շտապում բարձրաձայնել հավանական թեկնածուի անունը, «Ժառանգության» պատգամավորն ասաց. «Անկեղծ ասած` չգիտեմ` ինչու է ՀՀԿ-ն այդպես վարվում, բայց ինչ էլ լինի, մեկ շաբաթ հետո իմանալու ենք` ով է նշանակվել այդ պաշտոնում»: