Ռուսական Взгляд թերթի փոխանցմամբ՝ ԱՄՆ պետքարտուղար Հիլարի Քլինթոնը երեկ Հոնոլուլուում հայտարարել է, որ ԱՄՆ-ը սպասում է Իրանի միջուկային ծրագրի վերաբերյալ երեքշաբթի օրն ԱԷՄԳ-ի հրապարակած զեկույցի վերաբերյալ իրանական կողմի արձագանքին։
Նշվում է, որ Հոնոլուլուում Քլինթոնը մասնակցելու է Ասիա-խաղաղօվկիանոսյան տնտեսական համագործակցության ֆորումի աշխատանքներին, ուր նա նշել է. «Մոտակա օրերին մենք ակնկալում ենք, որ Իրանը կպատասխանի ԱԷՄԳ-ի զեկույցում բարձրացված լուրջ հարցերին»։
Հիշեցնենք, որ ԱԷՄԳ-ի զեկույցից հետո Իրանի նախագահ Մահմուդ Ահմադինեժադը հրաժարվել էր ընդունել այն՝ ընդգծելով, որ դա կազմված է ոչ հավաստի տեղեկությունների վրա, և որ Իրանը որևէ հետքայլ չի կատարելու իր միջուկային ծրագրի հարցում։
