Հանրապետական սենատոր Ջոն Մըքքեյնը Իսրայելի վարչապետի հասցեին ասածների համար քննադատել է ԱՄՆ-ի և Ֆրանսիայի նախագահներին և ավելացրել, որ Ֆրանսիան միշտ այդպես է վարվել, և ԱՄՆ-ը դա պետք է լավ իմանար: Այս մասին հաղորդում է MIGnews.com կայքը:
Fox հեռուստաընկերությանը տված հարցազրույցում ԱՄՆ նախագահի նախկին թեկնածուն ասել է, որ ինքը միշտ մեծ համակրանքով է վերաբերվել Իսրայելի վարչապետին՝ ավելացնելով, որ Իսրայելը հիմա գտնվում է ավելի մեծ ճնշման և վտանգի տակ, քան 1967 թ. պատերազմից հետո:
«Մերձավոր Արևելքում վարվող ներկայիս քաղաքականությունը համարում եմ գործող ադմինիստրացիայի և հատկապես նախագահի կատարյալ ձախողում»,- ասել է Մըքքեյնը: