Business-Грузия-ի փոխանցմամբ՝ այս տարվա առաջին 10 ամիսներին Վրաստան է այցելել 2.320.343 մարդ, ինչը 42 տոկոսով ավելի է՝ համեմատած նախորդ տարվա նույն ժամանակահատվածի հետ։
Հաշվետու ժամանակաշրջանում եվրոպական երկրներից (չհաշված ԱՊՀ երկրները) ժամանած այցելուների թիվը կազմել է 734,810 մարդ (բոլոր այցելուների 31.7 տոկոսը), ինչը, նախորդ տարվա նույն ժամանակահատվածի համեմատ, 34 տոկոսով ավելի է։
ԱՊՀ երկրներից ժամանած այցելուների թիվը հասել է 1.474.184-ի (բոլոր այցելուների 63.5 տոկոսը), ինչը 44 տոկոսով ավելի է՝ նախորդ տարվա հաշվետու ժամանակաշրջանի համեմատ։ ԱՊՀ-ում ամենամեծ ցուցանիշն ունի Ադրբեջանը՝ 583.536 մարդ (ԱՊՀ-ի 40 տոկոսը), ինչը 45 տոկոսով ավելի է՝ նախորդ տարվա նույն ժամանակահատվածի համեմատ։
Իսկ Հայաստանի ցուցանիշն ԱՊՀ-ում երկրորդն է՝ 572.638 մարդ (ԱՊՀ-ի 39 տոկոսը), ինչը 34 տոկոսով ավելի է՝ նախորդ տարվա նույն ժամանակահատվածի համեմատ։
Վրաստան այցելած ԱՄՆ քաղաքացիների քանակը կազմել է 24,311 մարդ (21 տոկոսով ավելի), ինչը կազմում է բոլոր այցելուների 1 տոկոսը։ Ասիական երկրներից Վրաստան է այցելել 80,281 մարդ (103 տոկոսով ավելի), ինչը կազմում է բոլոր այցելուների 3.5 տոկոսը։
Աֆրիկյան երկրների ցուցանիշը կազմել է 3138 մարդ (280 տոկոսանոց աճ), ինչը կազմում է ողջ այցելուների 0.1 տոկոսը։ Մնացյալ երկրներից Վրաստան է այցելել 3170 մարդ (33 տոկոսանոց աճ), ինչը կազմում է այցելուների քանակի 0.2 տոկոսը։
Հիշեցնենք, որ վրացական կողմի կանխատեսմամբ՝ այս տարի Վրաստան պետք է այցելի 3 միլիոն զբոսաշրջիկ։