Երեւանում գտնվող Հայոց ցեղասպանության եւ Հոլոքոսթի զոհերին նվիրված հուշարձանը երեկ պղծվել էր` «մահ ջհուդին» գրությամբ: Հայաստանում Հրեական համայնքի ղեկավար Ռիմա Վարժապետյանից փորձեցինք ճշտել, թե ինչ համապատասխան միջոցների են դիմել, ինչին ի պատասխան արձագանքեց. «Երեկ մենք գրություն փոխանցեցինք Սերժ Սարգսյանի օգնական Արմեն Աբելյանին, ինչին օպերատիվ արձագանքեցին եւ զեկուցեցին ոստիկանությանը: Ոստիկանությունն էլ, իր հերթին, արդեն գործ է հարուցել: Իսկ գրությունը վաղ առավոտից մաքրվել է»: Մեր այն հարցին, թե ովքեր են եղել հուշարձանը պղծողները, Ռիմա Վարժապետյանն ավելացրեց. «Ո՞վ գիտի: Բայց մեզ խոստացել են, որ կգտնեն եւ կկախեն հուշարձանը պղծողներին»: Իսկ երբ խնդրեցինք երկրորդ անգամ կրկնել ավելացրեց, թե խոստացել են հանցագործներին գտնելու դեպքում օրենքի սահմաններում պատժել: