Գերմանիայի կառավարությունը Հայաստանին հատկացվող աջակցությունը կավելացնի 5.5 մլն եվրոյի չափով: ՀՀ կառավարությունն այսօր նախատեսում է համաձայնություն տալ ՀՀ և ԳԴՀ կառավարությունների միջև տեխնիկական համագործակցության մասին համաձայնագրի կնքման առաջարկությանը:
Համաձայնագրի շրջանակներում Գերմանիայի կառավարությունն իր միջոցների հաշվին նախատեսում է տրամադրել օժանդակություններ անձնակազմային և մասնագիտական ծառայությունների տեսքով, անհրաժեշտության դեպքում նաև` ֆինանսական օժանդակություններ. «Հայաստանի «Խորհրդատվություն «Աղքատության կրճատման ռազմավարության (PRS)» իրականացման գործում» ծրագրին` մինչև 1 մլն եվրո, «Փոքր և միջին ձեռնարկատիրության զարգացում» ծրագրին` մինչև 600 հզ. եվրո, «Իրավական համակարգի ամրապնդում» ծրագրին` մինչև 400 հզ. եվրո, «Զարգացմանը միտված համայնքային կառավարում» ծրագրին` մինչև 3.5 մլն եվրո:
Ծրագրերի այս տարվա հատկացումների համար ժամկետն ավարտվում է 2015 թ. դեկտեմբերիի 31-ին: