Բարաք Օբաման, չնայած Մոսկվայից ստացված հրավերին, չի պատրաստվում այս տարի մեկնել Ռուսաստան: Այս մասին հայտարարել է ազգային անվտանգության հարցերով նրա խորհրդական Բեն Ռոդսը:
«Այս պահին մենք կարծում ենք, որ նախագահը չի կարող այս տարի մեկնել Ռուսաստան` հաշվի առնելով երկրում և արտասահմանում նրա նախատեսվող այցերի խիստ լարված գրաֆիկը»,- նշել է Ռոդսը:
Ինչպես հաղորդում է РИА «Новости»-ն, Ռոդսը հիշեցրել է, որ առաջիկայում Օբաման նախատեսում է ներկա գտնվել G20-ի, ԱԽՏՀ-ի և Արևելաասիական համագործակցության գագաթնաժողովներին:
«Եվ մենք համոզված ենք, որ նա հնարավորություն կունենա երկկողմանի հանդիպում անցկացնել նախագահ Մեդվեդևի հետ ասիա-խաղաղօվկանոսյան շրջագայության դադարներից մեկի ժամանակ: Այնպես որ, մենք համոզված ենք, որ երկկողմանի հանդիպում կլինի: Բայց որ նա այս տարի այցելի Ռուսաստան` հազիվ թե»,- ասել է նա:
Երկուշաբթի ռուսական մամուլը տեղեկություն էր տարածել, որ Կրեմլը հրավեր է ուղարկել ԱՄՆ նաագահ Բարաք Օբամային` 2011 թ. դեկտեմբերին պաշտոնական այցով ժամանելու Ռուսաստան:
