Ֆրասիայի նախագահի խորհրդական Անրի Գենոն հայտնել է, որ եթե Չինաստանը ներդրումներ անի Եվրոպական ֆինանսական կայունության հիմնադրամում, միևնույն է, Եվրոպան ո՛չ տնտեսական, ո՛չ քաղաքական փոխզիջումների չի գնա:
Եվրախորհրդի ղեկավար Ժան-Կլոդ Յունկերը հայտարարել է, որ բանակցությունների ժանանակ չեն քննարկվելու քաղաքական սուր հարցեր, քննարկումները չեն լինելու «ես քեզ, դու ինձ» տարբերակով:
Ա. Գենոն հայտնել է, որ Չինաստանի հետաքրքրությունը դրական նշան է, սա նշանակում է, որ նա ևս ցանկանում է աջակցել Եվրոպային և կանխել գլոբալ աղետը:
EFSF–ի ղեկավար Կլաուս Ռեգլինգոմի հետ բանակցություններից հետո Չինաստանը հրաժարվել է ներդրում իրականացնել Եվրոպական ֆինանսական կայունության հիմնադրամում:
«Չինաստանի հետ բանակցություններին զուգահեռ՝ Եվրոպան քննարկումներ է անցկացնում նաև տնտեսապես զարգացող այլ երկրներ հետ: Այս հարցի քննարկումը ընդգրկված է առաջիկայում Կաննում տեղի ունենալիք G20–ի գագաթնաժողովի ծանուցագրում»,– հայտնում է Reuters-ը:
Եվրոգոտու աջակցության հարցում Մի քանի ամիս է, ինչ քննարկվում է Ռուսաստանի մասնակցությունը: Ռուսական աջակցությանն են սպասում նաև Հունաստանը և Կիպրոսը: ՌԴ ֆինանսների փոխնախարար Սերգեյ Ստորչակն ընդգծել է, որ BRICS–ի երկրները (Ռուսաստան, Չինաստան, Բրազիլիա, Հնդկաստան և Հարավային Աֆրիկա), չեն կարող ամբողջ եվրոգոտուն օգնություն ցույց տալ, բայց պատրաստ են աջակցել առանձին երկրների:
