Հեռուստահաղորդավարուհի Թինա Կանդելակին դատական հայց է ներկայացրել տուրիստական գործակալության դեմ` պահանջելով 1,7 միլիոն ռուբլի`Հունաստանում իր փչացած հանգստի համար:
Այդ մասին հայտնում է Իրավական ու դատական տեղեկատվական ռուսական կենտրոնը` հղում կատարելով դատարանի մամլո քարտուղար Տատյանա Դանշովային:
Պատասխանող կողմը «Չորս սեզոն» ՍՊԸ-ն է, որի միջոցով Կանդելակին կազմակերպել է իր հանգիստը հունական Միկոնոս կղզում:
Հաղորդավարուհին գրել է «Վ կոնտակտե» սոցցանցում, որ ինքը հուլիսի վերջին կանգ է առել «Կիվոտոս» հյուրանոցում, այն նույն համարում, որտեղ ապրել է երգչուհի Շակիրան ու ֆուտբոլիստ Ժերար Պիկեն:
Սակայն Կանդելակիին հիասթափեցրել է հունական սերվիսը, լողափը, լոգարանում բացված անցքը: Դրա պատճառով նա ստիպված է եղել փոխել հյուրանոցը:
Սեպեմբերին Թինան դատական հայց է ներկայացրել տուրընկերության դեմ` պահանջելով փոխհատուցել ավելի քան 850 հազար ռուբլի` ուղեգրի արժեքի կեսը:
Բացի այդ, Կանդելակիի խոսքով` ինքն այդ ժամանակ «եղել է ընկճախտի ու նյարդային պոռթկման մեջ» ու պահանջել է փոխհատուցել իրեն հասցրած բարոյական վնասը` 850 հազար ռուբլու չափով:
Կանդելակիի հայցը քննվում է Մոսկվայի Կունցեվյան շրջանի դատարանում: Դատական լսումները նշանակված են նոյեմբերի 2-ին:
