Բուլղարիայի մայրաքաղաք Սոֆիան զբոսաշրջության տեսանկյունից ճանաչվել է Եվրոպայի ամենաէժան քաղաք: Այս մասին հաղորդում է Balkan Insight ինտերնետային կայքը:
Եվրոպայի ամենաէժան քաղաքների վարկանիշային ցուցակը` BackPacker Index-ը, կազմվում է եվրոպական 40 քաղաքներում գլխավորապես զոբսաշրջիկների կեցության, տրանսպորտի, զվարճանքների, սննդի ու ըմպելիքների գների հաշվարկման միջոցով:
Հաշվի են առնվում նաև տուրիստական ուղեգրերի գները:
Ինչպես նկատում են վականիշային աղյուսակի հեղինակները, Սոֆիան սկսում է հայտնի դառնալ իր էժան գների շնորհիվ: Ընդ որում`հետազոտության հեղինակները նկատում են, որ քաղաքի որոշ հատվածներ այնքան էլ անվտանգ չեն ճանապարհորդների համար:
Հետազոտության արդյունքների համաձայն` զբոսաշրջիկին Սոֆիա ուղևորվելու համար անհրաժեշտ է ունենալ օրական 30 լև (15 եվրո) գումար, ներառյալ` 14 լև (7 եվրո)` էժան, սակայն հարմարավետ գիշերակացի համար, 10 լև (5 եվրո) սննդի, 2 լև (1 եվրո)`տրանսպորտի համար ու 5 լև (2,5 եվրո)`հարակից ծախսերի համար:
Վարկանիշային աղյուսակում 2-րդ հորիզոնականում լեհական Կրակովն է, նրան հաջորդում է Բուխարեստը:
4-րդ հորիզոնականում է Ստամբուլը, 5-ում` Բուխարեստը: Տասնյակում տեղ են գտել նաև Վարշավան, Սանկտ Պետերբուրգը, Պրահան, Զագրեբն ու Մոսկվան:
Վերջին հորիզոնականներում են Վիեննան, Հռոմը, Վենետիկը, Բրյուսելն ու Փարիզը: Եվրոպայի ամենաթանկ վայր է ճանաչվել Ցյուրիխը:
