Ադրբեջանական SalamNews գործակալության փոխանցմամբ` Ադրբեջանի խորհրդարանի պատգամավոր Սահիբ Ալըևը հայտարարել է, թե Ադրբեջանը, առանց Թուրքիայի զինված ուժերի օգնության, ի վիճակի է ոչնչացնել հայկական բանակը:
Ադրբեջանցի պատգամավորը նկատել է, թե Ադրբեջանի և Թուրքիայի միջև արդեն երկար ժամանակ է, ինչ ընթացում է ռազմական համագործակցություն, որը ներառում է բոլոր ոլորտները: Նրա խոսքով՝ այժմ Թուրքիան մեծ դեր է խաղում ադրբեջանական բանակը ՆԱՏՕ-ի չափանիշներին հասցնելու գործում:
«Առայժմ Ադրբեջանը ձգտում է հակամարտությունը կարգավորել խաղաղ կերպով, քանի որ, ամեն դեպքում, եթե թշնամին կորցրել է 5-6 անգամ ավելի` պատերազմը ենթադրում է կորուստներ: Հիմա «Պատերազմի վերսկսման դեպքում արդյո՞ք Թուրքիան Ադրբեջանի կողքին կլինի» հարցը այնքան ակտուալ չէ, որքան 2000 թվականների սկզբին, որովհետև հիմա ադրբեջանական բանակը ի վիճակի է մեր պատմական հողերից հայերին դուրս շպրտել: Պարզապես Ադրբեջանը սպասում է պատերազմի վերսկսման համար միջազգային պայմաններին»,- ասել է Սահիբ Ալըևը:
Ադրբեջանցի պատգամավորի խոսքով՝ եթե Ադրբեջանը պատերազմ սկսի` չի անտեսվի միջազգային հանրության կողմից, քանի որ, նրա պատկերացմամբ` «ՄԱԿ-ի համապատասխան հոդվածում նշված է, որ օկուպացիայի ենթարկված պետությունը կարող է ցանկացած ձևով ազատագրել իր հողերը»։
