Ինչպես Financial Times-ին հայտնել են Չինաստանաի կառավարության երկու խորհրդականներ, Չինաստանը, ամենայն հավանականությամբ, խոշոր ներդրումներ կկատարի Ֆինանսական կայության եվրոպական հիմնադրամում (EFSF), սակայն նշել են, որ Չինաստանի որոշումը կախված կլինի այլ երկրների ներդրումների չափից, ինչպես նաև եվրոպական երկրների առաջարկած պայմաններից:
EFSF կամ եվրոգոտու ճգնաժամային վիճակում գտնվող երկրների այլ օգնության հիմնադրամներում Չինաստանի ներդրումը կազմում է 50-100 միլիարդ դոլար:
Հիշեցնենք, որ Եվրամիության անդամ-երկրների` Բրյուսելում կայացած գագաթնաժողովի ժամանակ որոշում է կայացվել կրճատել Հունաստանի պարտքի կեսը, իսկ մնացած կորուստները փակել EFSF միջոցներից:
Պրոֆեսոր Լիի խոսքերով, Պեկինը ինքն է շահագրգռված ԵՄ-ին օգնություն ցուցաբերելու գործում: Ըստ նրա՝ EFSF-ում ներդրում կատարելով, Չինաստանը եվրոպական կառավարություններից կարող է պահանջել զերծ մնալ Չինաստանում արժույթի կարգավորման քննադատությունից և դադարեցնել պնդել յուանի կուրսի ամրապնդման վրա:
