Բրիտանացին զանգահարել է 999 օպերատիվ ծառայություն (համարժեք է ամերիկայն 911-ին) և հայտնել, որ երկնքում` իր տան վերևում, տարօրինակ օբյեկտ է փայլում:
Ինչպես հաղորդում է Lenta.ru կայքը, տղամարդը պատմել է, որ անհայտ թռչող օբյեկտը շարժվում է իր տան վերևում, բայց շարժիչի ձայնը չի լսվում, քանի որ սարքավորումը գտնվում է հեռու տարածության վրա:
999 ծառայության մասնագետները ձայնագրել են տեղի ունեցածի մասին հաղորդագրությունը, սակայն երեք րոպե անց տղամարդը երկրորդ անգամ է զանգահարել վարչություն՝ հայտնելով, թե սխալվել է:
«Ես կարծեցի, որ տեսել եմ ինչ-որ տարօրինակ բան, սակայն դա իրականում այդպես չէ: Դուք չեք հավատա, բայց դա լուսինն էր»,- ասել է տղամարդը:
Ոստիկանության ներկայացուցիչները կոչ են արել Հարթֆորդշիրի բնակիչներին ավելի խելամիտ լինել նախքան 999 ծառայությանը դիմելը:
Իրավապաշտպան մարմիններում նշել են, որ կեղծ զանգերը ոչ միայն օպերատորին շեղում են աշխատանքից, այլև կարող են խոչընդոտ հանդիսանալ իրականում օգնության կարիք ունեցողների համար:
Նմանատիպ դեպք գրանցել էր անցյալ տարի կրկին Մեծ Բրիտանիայում, երբ մի կին զանգահարել էր փրկարար ծառայություն` օպերատորին հայտնելով, որ իր սարքած ձնեմարդն անհետացել է:
