Billboard ամսագիրը հրապարակել է «Բոլոր ժամանակների ամենասարսափելի երաժիշտների» վարկանիշային աղյուսակը:
Աղյուսակի հրատարակությունը հարմարեցված է Հելոուինի տոնակատարությանը, որն այս տարի նախատեսված է տոնել հոկտեմբերի 31-ի լույս նոյեմբերի 1-ի գիշերը:
Թոփ-լիստը կազմվել է ամսագրի ընթերցողների հարցումների հիման վրա:
Վարկանշային աղյուսակի` ամենասարսափելի արտիստների ցանկում առաջին հորիզոնականը զբաղեցրել է երգիչ Մերիլին Մենսոնը:
Նրան «սարսափելի» են անվանել երգելու ոճի, մռայլ երաժշտություն ստեղծելու, դիմահարդարման և հագուստի ոճի, ինչպես նաև սարսափ ֆիլմերի ոճում նկարահանված տեսահոլովակների համար: Ինչպես նշում է հրատարակությունը, Մենսոնը կարող է իրավամբ ճանաչվել «սարսափ» բառի կենդանի մարմնավորում: Հարցումների արդյունքում նրա օգտին է քվեարկել մարդկանց շուրջ 36 տոկոսը:
Մերլինին հաջորդում է փոփ երգչուհի Լեդի Գագան, որը հայտնի է տարօրինակ հագուկապի նկատմամբ մեծ սիրով: Առաջին հորիզոնականի համար Գագային պակասել է ձայների ընդամենը 1 տոկոս-ը (35 տոկոս):
Երրորդ պատվավոր հորիզոնականը գրավել է Slipknot խումբը, որը մարդկանց միշտ ներկայանում է սարսափելի դիմակներով ու հագուստներով:
Ստորև ներկայացնենք ամենասարսափելի երգիչների թոփ տասնյակը.
1. Մերիլին Մենսոն
2. Լեդի Գագա
3. Slipknot
4. Օզզի Օզբորն
5. Էլիս Կուպեր
6. Ռոբ Զոմբի
7. Թայլեր Օկոնմա
8. Gwar
9. Insane Clown Posse
10. Ջին Սիմոնս
