Հնդկաստանի Ասսամ նահանգի Քարիմգանջ շրջանում 120-ամյա բնակիչն ամուսնացել է տարիքով իրենից երկու անգամ փոքր կնոջ հետ: Ինչպես հաղորդում է The Times of India պարբերականը, հարսանեկան արարողությանը մասնակցել է շուրջ 500 մարդ:
Հազա Աբդուլա Նոորայի համար սա երկրորդ ամուսնությունն է: 2005 թ. նրա առաջին կինը մահացել է, որից հետո նա որոշել է գտնել մեկին, ով հոգ կտանի իր մասին այդ տարիքում:
«Հարյուրամյա ծերունու համար այնքան էլ հեշտ չէ կին գտնելը, բայց, Աստծո օգնությամբ, մեզ դա հաջողվեց»,- ասել է Նոորայի որդիներից մեկը:
120-ամյա ծերունու (նա նշել է, որ փաստաթղթերով ինքը 116 տարեկան է, իսկ իրականում` 120) ընտրյալը դարձել է 60-ամյա Սամոա Բիբին, որը նույնպես երկրորդ անգամ է ամուսնանում:
Նոորայի ընտանիքում հաշվում է 122 մարդ:
